Piloti francez i Marussias është në gjendje kome, pas incidentit të ndodhur gjatë garës së sotme në Suzuka të Japonisë. Megjithatë, burime nga spitali bëjnë me dije se ai nuk ka ndalur frymëmarrjen në mënyrë të pavarur.

Ndërsa i ati i tij citohet të ketë njoftuar se Jules do të operohet nga mjekët e spitalit ku është dërguar.

Jules Bianchi humbi kontrollin e makinës së tij dhe u përplas me një vinç që po largonte makinën e Adrian Sutil, të aksidentuar pak çaste më parë. /albeu.com/