Sebastian Vettel dhe Fernando Alonso i kthejnë edhe provat e lira në një duel personal mes njëri tjetrit. Në Montmelo ku këtë fundjavë do të zhvillohet gara për Çmimin e Madh të Spanjës, spanjolli i Ferrarit sfidoi shiun duke regjistruar kohën më të shpejtë, i pasuar nga shoku i skuadrës Felipe Massa. Në sezonin e dytë që është edhe treguesi më i qartë i potencialit të skuadrave për këtë garë, drejtimin e mori kampioni i botës në fuqi, duke hedhur kandidaturën për fitoren në pistën e Katalunjës.

Me kohën 1 minutë, 22 sekoda e 808 të mijtat, ai la pas Fernando Alonson me vetëm 17 të mijtat më shumë, ndërsa piloti tjetër i skuadrës Red Bull, Mark Webber regjistroi kohën e tretë më të mirë.

Në pozicionet e para shfaqet edhe finlandezi i skuadrës Lotus, Kimi Raikkonen, ndërsa skuadra Mercedes nuk arrin të regjistrojë kohë të shpejta sepse Lewis Hamilton dhe Nico Rosberg u renditën respektivisht në vendin e gjashtë dhe të shtatë.

Gara e Montmelosë është e pesta në kalendarin e këtij sezoni ku Vettel kryeson me 77 pikë, i ndjekur nga Raikkonen me 10 më pak dhe Hamilton me 50 pikë. /albeu.com/